LIVE TV
Watch Now
Gold:
Intl: /g (22K) PK: /g (22K)
Stocks:
NY:
China:
Pakistan:
India:
TV ONE Logo
اہم خبریں
ایران کا جوہری پروگرام فی الحال موجودہ حالت میں برقرار رہے گا، ٹرمپ ایران امریکا امن معاہدے پر دستخط کی ویڈیو جاری ٹرمپ اور پزشکیان نے مفاہمتی یادداشت پر دستخط کر دیئے: وزیراعظم کی توثیق فلسطین کی مقبوضہ مغربی کنارے اسرائیلی غیر قانونی بستیوں کی توسیع کی شدید مذمت امریکی صدر ڈونلڈ ٹرمپ نے بھارتی وزیراعظم کو قاتل کہہ دیا امریکا۔ایران مفاہمتی یادداشت کی دستخطی تقریب، پاکستانی وفد سوئٹزرلینڈ پہنچ گیا ایران معاہدہ جوہری ہتھیاروں کے خلاف مضبوط دیوار ثابت ہوگا: ٹرمپ امریکا میں چھوٹا طیارہ گر کر تباہ، ایک شخص ہلاک، 5 زخمی وائٹ ہاؤس میں یو ایف سی ایونٹ پر مبینہ حملے کی سازش ناکام، 5 مشتبہ افراد گرفتار امریکی محکمۂ جنگ نے انڈو پیسیفک کمانڈ کا نام دوبارہ پیسیفک کمانڈ رکھ دیا یران سے مفاہمتی یادداشت حتمی نہیں، معاہدہ پسند نہ آیا تو دوبارہ بمباری ہوسکتی ہے: ٹرمپ پاکستان مسلم لیگ ن کے صدر جناب محمد نواز شریف کی قیادت میں ایک اعلیٰ سطحی اجلاس بھارتی رجسٹرڈ طیاروں پر فضائی پابندی 24 جولائی کی صبح تک بڑھا دی۔ پی اے اے نوٹم بغیر چمچوں اور پروٹوکول کے باہر نکلیں تاکہ اندازہ ہو،خواجہ اظہار الحسن کا قومی اسمبلی میں اظہار خیال پنجاب نے اپنے اخراجات کو بڑی حد تک محدود کیا، کوئی نیا ٹیکس نہیں لگایا:مریم اورنگزیب

کراچی: چیئرمین پی سی بی محسن نقوی کا حنیف محمد ہائی پرفارمنس سینٹر کا دورہ

Web Desk

3 January 2026

چیئرمین پاکستان کرکٹ بورڈ محسن نقوی نے کراچی میں واقع حنیف محمد ہائی پرفارمنس سینٹر کا دورہ کیا، جہاں انہوں نے خواتین کھلاڑیوں کے جاری تربیتی کیمپ کا معائنہ کیا۔

چیئرمین پی سی بی نے تربیتی کیمپ میں موجود کوچز اور کھلاڑیوں سے ملاقات کی اور کیمپ میں شریک 36 خواتین کھلاڑیوں کا حوصلہ بڑھایا۔ محسن نقوی نے ہدایت کی کہ خواتین کھلاڑیوں کو غذائیت سے بھرپور اور معیاری کھانا فراہم کیا جائے تاکہ ان کی فٹنس اور کارکردگی میں بہتری لائی جا سکے۔

اس موقع پر گفتگو کرتے ہوئے محسن نقوی نے کہا کہ خواتین کھلاڑیوں کو تربیت کے دوران بہترین سہولتیں فراہم کی جا رہی ہیں اور تجربہ کار کوچز ان کی کوچنگ کر رہے ہیں۔ انہوں نے کھلاڑیوں پر زور دیا کہ وہ محنت، جذبے اور عزم کے ساتھ ٹریننگ کریں اور کبھی ہمت نہ ہاریں۔

چیئرمین پی سی بی نے کھلاڑیوں کو عملی مشقوں، اسٹیمنا اور اسٹرینتھ ٹریننگ پر بھرپور توجہ دینے کی ہدایت کرتے ہوئے کہا کہ مکمل طور پر فٹ کھلاڑی کا فرق میدان میں واضح نظر آتا ہے۔ انہوں نے کہا کہ ہر موقع پر فائٹنگ اسپرٹ کا مظاہرہ کرنا کامیاب کھلاڑی کی پہچان ہے۔

کیمپ میں موجود کوچز نے چیئرمین پی سی بی کو جاری تربیتی سرگرمیوں کے بارے میں بریفنگ دی۔ بریفنگ میں بتایا گیا کہ کیمپ کی سرگرمیوں کا آغاز صبح 6 بجے سے ہوتا ہے جبکہ شام 6 بجے تک فزیکل ٹریننگ، جم سیشن اور مختلف ایکسرسائزز کرائی جاتی ہیں۔ اس کے علاوہ گراؤنڈ میں فیلڈنگ، بولنگ اور بیٹنگ کی پریکٹس کے ساتھ ساتھ سیناریو بیسڈ میچز کا بھی انعقاد کیا جا رہا ہے۔

اس موقع پر وہاب ریاض، عبدالرحمن، عمران فرحت، خواتین ٹیم کی مینجر عائشہ جلیل اور دیگر کوچز بھی موجود تھے۔