’ایاز صادق، جے شنکر کا مصافحہ‘! نئے سال کی آمد پر ایسی تصویر خوش آئند ہے: علی ظفر
Web Desk
2 January 2026
بین الاقوامی شہرت یافتہ پاکستانی گلوکار علی ظفر نے سپیکر قومی اسمبلی سردار ایاز صادق اور بھارتی وزیر خارجہ جے ایس شنکر کی ملاقات اور مصافحے کی تصویر شیئر کرتے ہوئے اسے نئے سال کی خوش آئند شروعات قرار دیا ہے۔
سماجی رابطے کی ویب سائٹ ایکس پر علی ظفر نے تصویر شیئر کرتے ہوئے خوشی کا اظہار کیا اور کہا کہ نئے سال کے پہلے دن ایسی تصویر دیکھنا امید افزا ہے۔ ان کا کہنا تھا کہ اگر پاکستان اور بھارت ماضی کی کشیدگی اور منفی آوازوں سے آگے بڑھتے ہوئے پائیدار امن کی جانب قدم بڑھائیں تو اربوں لوگوں کے لیے خوشحالی اور ترقی کے نئے دروازے کھل سکتے ہیں۔
علی ظفر نے امید ظاہر کی کہ سال 2026 امن اور ترقی کا سال ثابت ہوگا، انہوں نے اس مصافحے کو پاک بھارت کرکٹ ہینڈ شیک تنازع میں بھی ایک نیا موڑ قرار دیا۔
واضح رہے کہ پاکستان اور بھارت کے درمیان کشیدہ تعلقات کے باوجود بھارتی وزیر خارجہ جے ایس شنکر نے سپیکر قومی اسمبلی سردار ایاز صادق سے ڈھاکا میں ملاقات کی، جہاں دونوں رہنما بنگلادیش کی سابق وزیراعظم خالدہ ضیا کے جنازے میں شرکت کے لیے موجود تھے۔ ذرائع کے مطابق جے شنکر خود چل کر ایاز صادق کے پاس آئے اور دونوں کے درمیان خوشگوار جملوں کا تبادلہ بھی ہوا۔
یہ ملاقات مئی میں ہونے والی پاک بھارت جنگ کے بعد دونوں ممالک کے درمیان اعلیٰ سطح پر پہلا رابطہ سمجھی جا رہی ہے، جسے سیاسی حلقوں میں ایک حیران کن اور مثبت پیشرفت قرار دیا جا رہا ہے۔
متعلقہ عنوانات
ٹک ٹاکر کی مہندی تقریب میں دو افراد کی ہلاکت کیس میں اہم پیشرفت
21 November 2026
حنا جاوید قتل کیس: پولیس نے چالان میں گھریلو ملازم ذیشان کو مرکزی ملزم قرار دے دیا
21 November 2026
روسی وزارت خارجہ کی پریس بریفنگ میں پاکستانی اداکارہ دنانیر مبین کی کامیابی کا خصوصی ذکر
21 November 2026
سینئر اینکر پرسن ربیعہ احسن قتل کیس، ملزم احسن طاہر اڈیالہ جیل سے رہا
20 November 2026
شازیہ منظور کی جائیداد پر مبینہ قبضے کی کوشش، 2 ملزمان گرفتار
20 November 2026
مس یونیورس ویتنام سے 48 روز بعد ہی تاج واپس لے لیا گیا
20 November 2026
عالمی آرٹ میلے میں پاکستانی ثقافت کی نمائندگی، گلوکار عظیم ڈار کو گیسٹ آف آنر کا اعزاز
20 November 2026
گلوکارہ شازیہ منظور کے گھر مسلح افراد کا حملہ، جان سے مارنے کی دھمکیاں
19 November 2026