LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
اسحاق ڈار سے ترکمانی وزیر خارجہ کی ملاقات، زیرِ التوا مسائل کے حل پر زور فیلڈ مارشل سے ایرانی وزیر خارجہ کی ملاقات، قریبی روابط اور تعاون پر اتفاق عمران خان کو سرجری کی ضرورت ہے تو حکومت سہولت فراہم کرے گی: رانا ثنا اللہ ایران کا آبنائے ہرمز کے قریب امریکی ڈرون قبضے میں لینے کا دعویٰ باب المندب سے فورسز کا انخلا، سعودیہ نے اتحادی فوج کا کمانڈر بدل دیا طلبہ مستقبل کے رہنما، تعمیر ملت میں بھرپور کردار ادا کریں: مریم نواز شریف ایران کیخلاف فوجی کارروائیاں ختم کرنے کا اعلان آپشن میں شامل ہے: جےڈی وینس بلاول کو وزیراعظم بنتا دیکھ رہی ہوں، فریال تالپور امریکا شرائط مان جائے تو 2 دن میں آبنائے ہرمز کھول دیں گے: ایرانی وزیر خارجہ علاقائی سلامتی کو درپیش خطرات سے نمٹنے کیلئے مشترکہ کوششیں ضروری ہیں: وزیر اعظم مظاہروں کے دوران طاقت کا استعمال، میئر نیویارک کا بدنام پولیس یونٹ کو ختم کرنے کا اعلان ہری پور کو خیبر پختونخوا سے الگ کرکے اسلام آباد میں شامل کرنے کی اطلاعات ہیں: ایمل ولی ای سی او رکن ممالک کی ایران امریکا تنازع میں پاکستان کی ثالثی کی کوششوں کی حمایت امریکی فوج کی دفاعی تیاریوں اور حفاظتی انتظامات میں سنگین خامیوں کے انکشافات جنسی جرائم میں قید امریکی فنانسر جیفری ایپسٹین کی پراسرار موت بارے نئے سنسنی خیز انکشافات

کرپٹو ریگولیشن میں نمایاں پیش رفت کے باعث پاکستان عالمی سطح پر مرکز نگاہ بن گیا

Web Desk

28 December 2025

پاکستان جدید ڈیجیٹل معیشت اور بٹ کوائن ٹیکنالوجی کی جانب تیزی سے آگے بڑھ رہا ہے، جس کے باعث ترقی کی نئی جہتیں روشن ہو رہی ہیں۔ کرپٹو ریگولیشن میں نمایاں پیش رفت کے نتیجے میں پاکستان عالمی سطح پر مرکزِ نگاہ بن گیا ہے۔

پاکستان ورچوئل اثاثہ جات ریگولیٹری اتھارٹی کے چیئرمین بلال بن ثاقب نے ابوظہبی بٹ کوائن کانفرنس 2025 کے موقع پر ایک خصوصی انٹرویو میں پاکستان کا کرپٹو وژن واضح کیا۔ انہوں نے کہا کہ پاکستان بٹ کوائن اور ڈیجیٹل اثاثوں کو محض سرمایہ کاری نہیں بلکہ مستقبل کے مالیاتی نظام کا بنیادی ستون سمجھتا ہے۔

بلال بن ثاقب کا کہنا تھا کہ 240 ملین آبادی اور 70 فیصد نوجوان قوت رکھنے والا پاکستان صرف روایتی معیشت پر انحصار نہیں کر رہا بلکہ ڈیجیٹل معیشت کے ایک نئے ماڈل کی جانب تیزی سے بڑھ رہا ہے۔ انہوں نے واضح کیا کہ پاکستان کا ہدف نوجوانوں کو محض صارف نہیں بلکہ ڈیجیٹل تخلیق کار اور نئی معیشت کے معمار بنانا ہے۔

چیئرمین ورچوئل اثاثہ جات ریگولیٹری اتھارٹی نے بتایا کہ پاکستان غیر منظم کرپٹو مارکیٹ کو عالمی معیار کے مطابق شفاف اور سرمایہ کار دوست نظام میں تبدیل کرنے کے لیے اصلاحات کر رہا ہے۔ اس مقصد کے لیے کرپٹو اور ڈیجیٹل اثاثوں کے لیے تین ستونوں پر مبنی ریگولیٹری فریم ورک تشکیل دیا گیا ہے، جس کی بنیاد وضاحت، مرحلہ وار نفاذ اور ٹیکنالوجی کے ذریعے مؤثر نگرانی پر رکھی گئی ہے۔

انہوں نے بتایا کہ پاکستان میں اہم کرپٹو ایکسچینجز کے لیے عبوری لائسنس جاری کیے جا چکے ہیں جبکہ مائننگ، ٹوکنائزیشن اور فنٹیک کے پائلٹ پروجیکٹس بھی شروع کر دیے گئے ہیں۔ ان اقدامات کے نتیجے میں آئندہ چند برسوں میں مائننگ، ٹوکنائزیشن اور ویب 3 ڈیولپمنٹ کے ذریعے اربوں ڈالر کی سرمایہ کاری متوقع ہے۔

بلال بن ثاقب نے کہا کہ پاکستان کے پاس 20 گیگاواٹ سے زائد اضافی بجلی موجود ہے جسے بٹ کوائن مائننگ اور مصنوعی ذہانت کے ذریعے ڈیجیٹل ایکسپورٹ میں تبدیل کیا جا سکتا ہے۔ ان کے مطابق بٹ کوائن پاکستانی عوام کے لیے بچت، مالی شمولیت اور بین الاقوامی ادائیگیوں کے مسائل کا ایک مؤثر حل بھی فراہم کرتا ہے۔

انہوں نے اس اعتماد کا اظہار کیا کہ حکومتی وژن اور جامع اصلاحات پاکستان کی بٹ کوائن اور ڈیجیٹل معیشت کو ترقی کی ایک نئی سمت دے رہی ہیں، جو مستقبل میں ملکی معیشت کے لیے اہم سنگِ میل ثابت ہوں گی۔