LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
اسحاق ڈار سے ترکمانی وزیر خارجہ کی ملاقات، زیرِ التوا مسائل کے حل پر زور فیلڈ مارشل سے ایرانی وزیر خارجہ کی ملاقات، قریبی روابط اور تعاون پر اتفاق عمران خان کو سرجری کی ضرورت ہے تو حکومت سہولت فراہم کرے گی: رانا ثنا اللہ ایران کا آبنائے ہرمز کے قریب امریکی ڈرون قبضے میں لینے کا دعویٰ باب المندب سے فورسز کا انخلا، سعودیہ نے اتحادی فوج کا کمانڈر بدل دیا طلبہ مستقبل کے رہنما، تعمیر ملت میں بھرپور کردار ادا کریں: مریم نواز شریف ایران کیخلاف فوجی کارروائیاں ختم کرنے کا اعلان آپشن میں شامل ہے: جےڈی وینس بلاول کو وزیراعظم بنتا دیکھ رہی ہوں، فریال تالپور امریکا شرائط مان جائے تو 2 دن میں آبنائے ہرمز کھول دیں گے: ایرانی وزیر خارجہ علاقائی سلامتی کو درپیش خطرات سے نمٹنے کیلئے مشترکہ کوششیں ضروری ہیں: وزیر اعظم مظاہروں کے دوران طاقت کا استعمال، میئر نیویارک کا بدنام پولیس یونٹ کو ختم کرنے کا اعلان ہری پور کو خیبر پختونخوا سے الگ کرکے اسلام آباد میں شامل کرنے کی اطلاعات ہیں: ایمل ولی ای سی او رکن ممالک کی ایران امریکا تنازع میں پاکستان کی ثالثی کی کوششوں کی حمایت امریکی فوج کی دفاعی تیاریوں اور حفاظتی انتظامات میں سنگین خامیوں کے انکشافات جنسی جرائم میں قید امریکی فنانسر جیفری ایپسٹین کی پراسرار موت بارے نئے سنسنی خیز انکشافات

ای سی او رکن ممالک کی ایران امریکا تنازع میں پاکستان کی ثالثی کی کوششوں کی حمایت

Web Desk

17 November 2026

اقتصادی تعاون تنظیم (ای سی او) کے رکن ممالک نے ایران اور امریکا کے درمیان جاری تنازع کے پرامن حل کے لیے پاکستان کی ثالثی کی کوششوں کی بھرپور حمایت کر دی ہے اور مشترکہ اعلامیے میں پاکستان کے سفارتی کردار کی تعریف کی ہے۔

ای سی او وزرائے خارجہ کونسل کے اجلاس کے اختتام پر جاری کردہ مشترکہ اعلامیے میں خطے کے موجودہ جیو پولیٹیکل ماحول پر گہری تشویش کا اظہار کرتے ہوئے اس بات پر زور دیا گیا کہ موجودہ حساس صورتحال میں تحمل، بامقصد مکالمے اور سفارتی روابط کو فروغ دینا انتہائی ناگزیر ہے۔ اجلاس میں علاقائی تعاون کو مزید مضبوط بنانے اور خطے میں جامع اقتصادی نمو کو فروغ دینے کا بھی فیصلہ کیا گیا۔

اعلامیے میں پائیدار صنعتی ترقی کی تزویراتی اہمیت کا اعادہ کرتے ہوئے رکن ممالک کے درمیان سائنسی، تعلیمی، تکنیکی اور صنعتی تعاون کو وسعت دینے کی ضرورت پر زور دیا گیا۔ اس کے ساتھ ہی اس بات پر بھی اتفاق کیا گیا کہ خطے میں محفوظ اور قابلِ اعتماد مصنوعی ذہانت (اے آئی) کو فروغ دیا جائے اور بلاک چین، کوانٹم کمپیوٹنگ، فائیو جی اور روبوٹکس جیسی جدید ٹیکنالوجیز سے بھرپور فائدہ اٹھایا جائے، تاہم ان ٹیکنالوجیز سے وابستہ ممکنہ خطرات اور ان کے تدارک کی ضرورت کو بھی مدنظر رکھا جائے۔

مزید برآں، ای سی او وزرائے خارجہ کونسل کے اعلامیے میں منشیات کی اسمگلنگ اور سرحد پار منظم جرائم کے خلاف مضبوط علاقائی تعاون کو ناگزیر قرار دیا گیا، جبکہ سیاحت (ٹورازم) کو علاقائی انضمام، معاشی ترقی اور ثقافتی روابط کے ایک اہم محرک کے طور پر تسلیم کرتے ہوئے اقتصادی تعاون کے اسٹریٹجک اہداف 2035ء کا خیرمقدم بھی کیا گیا۔