عالمی منڈی میں سونے کی قیمتوں میں بڑی کمی، فی اونس نرخ ایک سال کی کم ترین سطح پر آگئے
Web Desk
17 November 2026
المی بلین مارکیٹ میں سونے کی قیمتوں میں بڑی گراوٹ ریکارڈ کی گئی ہے اور فی اونس نرخ ایک سال کی کم ترین سطح 3 ہزار 830 ڈالر 74 سینٹ پر آ گئے ہیں، جس کے بعد قیمتی دھات سنہ 2015ء کے بعد اپنی بدترین سالانہ کارکردگی دکھانے کی جانب گامزن ہو گئی ہے۔
معاشی تجزیہ کاروں کے مطابق امریکی ڈالر کی مسلسل مضبوطی، امریکی ٹریژری بانڈز کے منافع میں اضافے اور شرحِ سود میں مزید اضافے کے خدشات نے عالمی منڈی میں سونے کی قیمتوں پر شدید دباؤ بڑھا دیا ہے۔ اعداد و شمار کے مطابق رواں برس جنوری میں 5 ہزار 594 ڈالر 82 سینٹ کی ریکارڈ بلند ترین سطح کو چھونے کے بعد سے اب تک سونے کی قیمت میں مجموعی طور پر 31.5 فیصد کی نمایاں کمی واقع ہو چکی ہے۔
مالیاتی ماہرین کا کہنا ہے کہ امریکی مرکزی بینک (فیڈرل ریزرو) کی جانب سے آئندہ ماہ دسمبر میں شرحِ سود بڑھانے کے بڑھتے ہوئے امکانات نے ڈالر کو مزید استحکام بخشا ہے۔ دوسری جانب ایران جنگ کے باعث خام تیل کی قیمتوں میں اتار چڑھاؤ اور عالمی سطح پر مہنگائی کی نئی لہر کے خدشات نے بھی دنیا بھر میں مالیاتی پالیسی مزید سخت ہونے کے امکانات کو تقویت دی ہے۔
علاوہ ازیں، مختلف ممالک کے مرکزی بینکوں کی جانب سے سونے کی خریداری میں کمی اور عالمی صارفین میں زیورات کے ساتھ ساتھ سونے کے سکوں اور بسکٹوں کی طلب میں آنے والی گراوٹ بھی سونے کی قیمتوں میں مسلسل تنزلی کا باعث بن رہی ہے۔
متعلقہ عنوانات
اسحاق ڈار سے ترکمانی وزیر خارجہ کی ملاقات، زیرِ التوا مسائل کے حل پر زور
17 November 2026
فیلڈ مارشل سے ایرانی وزیر خارجہ کی ملاقات، قریبی روابط اور تعاون پر اتفاق
17 November 2026
ایران کے ممتاز مذہبی رہنما آیت اللہ وحید خراسانی 108 برس کی عمر میں وفات پاگئے
17 November 2026
عمران خان کو سرجری کی ضرورت ہے تو حکومت سہولت فراہم کرے گی: رانا ثنا اللہ
17 November 2026
ایران کا آبنائے ہرمز کے قریب امریکی ڈرون قبضے میں لینے کا دعویٰ
17 November 2026
باب المندب سے فورسز کا انخلا، سعودیہ نے اتحادی فوج کا کمانڈر بدل دیا
17 November 2026
طلبہ مستقبل کے رہنما، تعمیر ملت میں بھرپور کردار ادا کریں: مریم نواز شریف
17 November 2026
ایران کیخلاف فوجی کارروائیاں ختم کرنے کا اعلان آپشن میں شامل ہے: جےڈی وینس
17 November 2026