LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
مکہ معاہدے کے تحت سعودی عرب کا دفاع ترجیح ہے، حاقان فیدان مولانا فضل الرحمان جہاں غلط ہوں گے وہاں کہا جائےگا: گورنر خیبر پختوںخوا خیبر پختونخوا کے ترقیاتی پیکیج کے 10 ارب روپے جاری ہونا خوش آئند: ثمر بلور پاکستان تحریک انصاف نے ایڈووکیٹ نیاز اللہ خان نیازی کو پارٹی کی سیاسی کمیٹی میں بھی شامل کر لیا پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن 12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال محسن نقوی کا نادرا سنٹر پیکو روڈ کا دورہ، مسائل کے حل کیلیے موقع پر ہی احکامات جاری سرکاری قرضوں میں ایک سال کے دوران 6 ہزار 200 ارب روپے کا بھاری اضافہ ایران اور روس کے درمیان جوہری تعاون جاری رہے گا: روسی عہدیدار

عاصم اظہر نے نغمہ ’میری زندگی ہے تو‘ کس کے نام کیا؟ ویڈیو وائرل، مداح خوش

Web Desk

28 December 2025

معروف گلوکار عاصم اظہر کا مقبول او ایس ٹی ’’میری زندگی ہے تو‘‘ ان دنوں شائقین میں بے حد مقبول ہو رہا ہے اور ہر طرف یہی نغمہ گونج رہا ہے۔ اس کامیابی کے ساتھ ہی عاصم اظہر کا ایک جذباتی اقدام بھی مداحوں کی توجہ کا مرکز بن گیا ہے۔

عاصم اظہر، جو نئی نسل کے پسندیدہ گلوکاروں میں شمار ہوتے ہیں، ماضی میں اداکارہ ہانیہ عامر کے ساتھ تعلقات اور بعد ازاں بریک اپ کے باعث بھی خبروں میں رہے۔ حالیہ دنوں میں دونوں کے ایک ساتھ نظر آنے پر قربت کی افواہیں ایک بار پھر گردش کرتی رہیں، تاہم دونوں نے تاحال اپنے تعلقات کے حوالے سے کوئی باضابطہ اعلان نہیں کیا۔

اس تمام تر گوسپ کے برعکس عاصم اظہر نے اپنی توجہ ایک نہایت خوبصورت اور جذباتی لمحے کی جانب مبذول کروائی، جب انہوں نے اپنا سپر ہٹ او ایس ٹی ’’میری زندگی ہے تو‘‘ اپنی والدہ گلِ رانا کے نام کر دیا۔ عاصم نے والدہ کی سالگرہ کے موقع پر اس گیت کی خصوصی پرفارمنس پیش کی، جس کی ویڈیو سوشل میڈیا پر تیزی سے وائرل ہو گئی اور صارفین کی جانب سے بے حد سراہا جا رہا ہے۔

ویڈیو کے ساتھ عاصم اظہر نے ایک طویل اور دل کو چھو لینے والا کیپشن بھی تحریر کیا جس میں انہوں نے والدہ کو خراجِ تحسین پیش کرتے ہوئے لکھا کہ یہ نغمہ اس خاتون کے نام ہے جس نے انہیں زندگی کا مطلب سکھایا، ہر مشکل سے نکلنا سکھایا، ہمدردی، محبت اور شفقت کا درس دیا اور جو کچھ وہ آج ہیں، وہ سب ان کی والدہ کی بدولت ہے۔

مداحوں اور شوبز شخصیات کی جانب سے عاصم اظہر کے اس اقدام کو نہ صرف خراجِ تحسین پیش کیا جا رہا ہے بلکہ اسے ماں کے ساتھ محبت اور عقیدت کی خوبصورت مثال بھی قرار دیا جا رہا ہے۔