قومی سلامتی کے پیشِ نظر امریکا کی چین کے ڈرونز پر پابندی

امریکا نے قومی سلامتی کے خدشات کے باعث چین کی ٹیکنالوجی کمپنی ڈی جے آئی کے تیار کردہ تمام نئے ڈرونز کی درآمدات اور فروخت پر پابندی عائد کر دی ہے۔ فیڈرل کمیونیکیشن کمیشن (ایف سی سی) نے ڈی جے آئی، اوٹیل اور دیگر غیر ملکی ڈرونز اور ان کے پرزوں کو اپنی ’کوورڈ لسٹ‘ میں شامل کر لیا ہے۔ ڈی جے آئی دنیا کی سب سے بڑی ڈرون ساز کمپنی ہے اور امریکا میں کنزیومر ڈرون مارکیٹ کا تقریباً 80 فیصد حصہ رکھتی ہے۔ تاہم ایف سی سی کے مطابق پہلے سے منظور شدہ ماڈلز اور ماضی میں خریدے گئے ڈرونز اس پابندی کی زد میں نہیں آئیں گے۔