پی ایس ایل کی نئی ٹیمیں خریدنے کیلئے 12 پارٹیوں نے بڈز جمع کرادیں

پاکستان کرکٹ بورڈ (پی سی بی) نے پاکستان سپر لیگ (پی ایس ایل) کی دو نئی ٹیموں کی فروخت کے لیے جاری ٹینڈر کے غیر معمولی اور حوصلہ افزا نتائج کا اعلان کیا ہے۔ پی سی بی کے مطابق مقررہ تاریخ تک 12 پارٹیوں نے باضابطہ بڈز جمع کروائے، جن کا تعلق دنیا کے پانچ براعظموں—امریکا، آسٹریلیا، کینیڈا، متحدہ عرب امارات (یو اے ای) اور پاکستان—سے ہے، جو پی ایس ایل کی عالمی مقبولیت اور کشش کو ظاہر کرتا ہے۔

پی سی بی کی پریس ریلیز کے مطابق بڈنگ کے اس مرحلے کے نتائج 27 دسمبر کو سامنے آئیں گے۔ اس کے بعد اگلے مرحلے میں تکنیکی طور پر کوالیفائیڈ بڈرز کو اسلام آباد کنونشن سینٹر میں 8 جنوری کو اوپن کمپیٹیشن کے ذریعے دو نئی ٹیمیں خریدنے کا موقع دیا جائے گا۔

پاکستان کرکٹ بورڈ نے اس عمل کو شفاف، مسابقتی اور عالمی معیار کے مطابق مکمل کرنے کے لیے عزم ظاہر کیا ہے، تاکہ پی ایس ایل کی مزید توسیع اور ترقی کو یقینی بنایا جا سکے۔