LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
سلامتی کونسل کالعدم بی ایل اے اور مجید بریگیڈ پر پابندیاں لگائے: چین افغانستان میں دہشتگرد گروہوں سے رکن ممالک کو خطرہ ہے: سربراہ سلامتی کونسل دبئی رن 2026ء کیلئے اہم سہولت، شرکا کی گاڑیوں کیلئے 15 ہزار پارکنگ مقامات مختص دبئی میں عالمی ٹیکنالوجی نمائش جیٹیکس گلوبل 7 دسمبر سے شروع ہوگی شنگھائی تعاون تنظیم کا اجلاس، وفاقی وزیر مصدق ملک بھارت پہنچ گئے سعودی عرب کے حقِ دفاع کی حمایت، حوثی ملیشیا کے حملے بند کیے جائیں: پاکستان ایران کیخلاف جاری جنگ پر امریکا کے اخراجات بڑھ کر 48.3 ارب ڈالر تک پہنچ گئے ایران کیخلاف جاری جنگ پر امریکا کے اخراجات بڑھ کر 48.3 ارب ڈالر تک پہنچ گئے صدر ٹرمپ نے چینی اور روسی ہم منصب کو امن بارے سخت پیغام دیدیا: جیرڈ کشنر وائٹ ہاؤس کے نیشنل سائبر ڈائریکٹر شان کیرن کراس نے عہدے سے استعفیٰ دیدیا بلوچستان کے نوجوانوں کیلئے وفاقی محکموں میں ہزاروں ملازمتوں کا اعلان بیوٹی ورلڈ دبئی 2027ء کی تاریخوں کا اعلان، عالمی نمائش ایکسپو سٹی منتقل کرنے کا فیصلہ امریکا، روس اور چینی صدور کی حالیہ سمٹ کے زیادہ نتائج برآمد نہیں ہونگے: فابیو پنیٹا خلیج تعاون کونسل کا حوثی ملیشیا کو جوابدہ ٹھہرانے کیلئے فیصلہ کن مؤقف کا مطالبہ انقلابی شاعر فیض احمد فیض کو دنیا سے رخصت ہوئے 42 برس بیت گئے

بلوچستان کے نوجوانوں کیلئے وفاقی محکموں میں ہزاروں ملازمتوں کا اعلان

Web Desk

20 November 2026

بلوچستان کے ہزاروں بے روزگار نوجوانوں کو باعزت روزگار فراہم کرنے کے لیے وفاقی محکموں میں خصوصی بھرتیوں کا عمل باقاعدہ شروع کر دیا گیا ہے۔

رپورٹس کے مطابق وزیراعظم اور فیلڈ مارشل کی خصوصی دلچسپی اور کاوشوں سے بلوچستان کے نوجوانوں کے لیے وفاقی وزارتوں اور ان کے ماتحت اداروں میں ملازمتوں کے نئے مواقع پیدا کیے جا رہے ہیں۔ اس منصوبے کے تحت 13 وفاقی وزارتوں کے ماتحت 100 سے زائد محکموں میں بھرتیوں کا عمل کل (21 نومبر) سے شروع ہوگا۔

حکام کے مطابق وفاقی محکموں میں بلوچستان کے نوجوانوں کے لیے مجموعی طور پر 5 ہزار ملازمتیں مختص کی گئی ہیں، جن پر مرحلہ وار بھرتیاں کی جائیں گی۔ اس اقدام کا بنیادی مقصد صوبے کے بے روزگار نوجوانوں کو ان کے اپنے علاقوں میں روزگار کے مواقع فراہم کرنا اور انہیں ملازمت کے حصول کے لیے دوسرے شہروں کا رخ کرنے کی مشکلات سے بچانا ہے۔

حکام نے بتایا کہ بھرتیوں کے پورے عمل کو شفاف اور مکمل میرٹ کے مطابق یقینی بنانے کے لیے خصوصی ہدایات جاری کر دی گئی ہیں۔ اس سلسلے میں 100 سے زائد وفاقی کمیٹی ممبران اور متعلقہ حکام بھرتیوں کے عمل کی نگرانی کریں گے، جبکہ سیکرٹریز اور وفاقی سیکرٹریز پر مشتمل کمیٹیوں کے ارکان خود بلوچستان کے مختلف اضلاع کا دورہ کر کے بھرتی کے عمل میں حصہ لیں گے تاکہ امیدواروں کی اہلیت اور میرٹ کو ہر سطح پر یقینی بنایا جا سکے۔

وفاقی حکومت کے اس خصوصی اقدام کے تحت مختلف وزارتوں اور ان کے ماتحت اداروں میں ہزاروں ملازمتوں کے مواقع پیدا ہونے پر بلوچستان کے نوجوانوں میں خوشی کی لہر دوڑ گئی ہے۔ اس منصوبے کو صوبے میں بے روزگاری کے خاتمے، نوجوانوں کو معاشی طور پر مستحکم بنانے اور وفاقی اداروں میں بلوچستان کی نمائندگی بڑھانے کی جانب ایک اہم اور مثبت پیشرفت قرار دیا جا رہا ہے۔