امریکی مصور نے 43.5 سیکنڈ میں سٹیچو آف لبرٹی کی تصویر بنا کر عالمی ریکارڈ بنا ڈالا
Web Desk
19 November 2026
گنیز ورلڈ ریکارڈز کا 22 واں سالانہ عالمی دن جمعرات کو منایا جا رہا ہے، جس کے موقع پر دنیا بھر میں قائم ہونے والے نئے اور منفرد عالمی ریکارڈز کا اعلان کیا گیا ہے۔
ان منفرد کارناموں میں امریکی پرفارمنس پینٹر ڈیوڈ گیریبالڈی نے محض 43.5 سیکنڈ میں امریکا کے مشہور تاریخی مجسمے ’سٹیچو آف لبرٹی‘ (مجسمہ آزادی) کی پینٹنگ بنا کر تیز ترین مصوری کا نیا عالمی ریکارڈ قائم کر دیا ہے۔
رپورٹس کے مطابق ڈیوڈ گیریبالڈی نے یہ کارنامہ نیویارک سٹی کے ساحلی مقام پر انجام دیا، جہاں سے سٹیچو آف لبرٹی کا منظر واضح طور پر دکھائی دیتا ہے۔ اس منفرد اعزاز کے بعد گفتگو کرتے ہوئے گیریبالڈی نے کہا کہ یہ ان کے لیے ایک بالکل نیا تجربہ تھا، جس میں روایتی اسٹیج پرفارمنس کے بجائے مکمل توجہ رفتار پر مرکوز رکھی گئی۔
انہوں نے کہا کہ وہ اپنے لیے اور دنیا کے لیے ایک نیا معیار قائم کرنا چاہتے تھے، اور انہیں امید ہے کہ ان کا یہ کارنامہ بچوں اور بڑوں کو بڑے اہداف کے حصول کے لیے کوشش کرنے کی ترغیب دے گا، کیونکہ کوشش کے دوران انسان خود بخود عظیم بن جاتا ہے۔
اس موقع پر گنیز ورلڈ ریکارڈز کے آفیشل جج مائیکل ایمپرک نے اس کارنامے کو سراہتے ہوئے کہا کہ عالمی دن منانے کا مقصد ایسے یادگار اور غیر معمولی کارناموں کا جشن منانا ہے، اور نیویارک کے ساحل پر مجسمہ آزادی کی پینٹنگ بنا کر ریکارڈ قائم کرنا اس دن کے لیے ایک بہترین انتخاب تھا۔
متعلقہ عنوانات
برازیل میں ننھا کچھوا ائیرپورٹ کے ٹیکسی وے پر براجمان، پروازوں کی روانگی رُک گئی
19 November 2026
انوکھی بارات، دلہا لگژری گاڑی کے بجائے بلڈوزر پر دلہن کے گھر پہنچ گیا
19 November 2026
کوریا: شادی سے بھی شاندار طلاق کی تقریب، خاتون خوشی سے نہال
19 November 2026
سرجری کے بعد نوجوان کو انسانوں کے چہروں میں بلی جیسی آنکھیں دکھائی دینے لگیں
18 November 2026
ایسا قصبہ جہاں 18 نومبر سے 2 ماہ طویل رات کا آغاز ہوگا
17 November 2026
امریکا میں انتہائی نایاب چمکدار پیلے رنگ کی مچھلی دریافت
17 November 2026
مسجد آیا صوفیا کے نیچے 1600 برس قدیم پُراسرار سرنگیں دریافت
16 November 2026
بھارت میں حیران کن واقعہ، مردہ قرار دی گئی خاتون7سال بعد زندہ برآمد
15 November 2026