دوسرا ٹیسٹ: سری لنکا 98 رنز پر ڈھیر، پاکستان کو 23 رنز کی برتری
Web Desk
17 November 2026
پاکستان اور سری لنکا کے درمیان کھیلے جا رہے دوسرے اور آخری ٹیسٹ میچ کے پہلے روز کا کھیل ختم ہو گیا ہے، جس میں قومی ٹیم نے اپنی پہلی اننگز میں 3 وکٹوں کے نقصان پر 121 رنز بنا کر مہمان ٹیم کے خلاف 23 رنز کی قیمتی برتری حاصل کر لی ہے۔
پہلے روز کے اختتام پر پاکستان کی جانب سے نوجوان بیٹر اذان اویس 47 اور ثاقب خان 2 رنز بنا کر کریز پر موجود ہیں، جبکہ طیب عارف 46 رنز کی ذمہ دارانہ اننگز کھیل کر آؤٹ ہوئے۔ اس کے علاوہ محمد طہٰ اور سینئر بیٹر بابر اعظم 8، 8 رنز بنا کر پویلین لوٹے۔
اس سے قبل میچ کے آغاز پر پاکستانی باؤلرز کی تباہ کن باؤلنگ کے سامنے سری لنکا کی پوری ٹیم پہلی اننگز میں محض 35.3 اوورز کا سامنا کرتے ہوئے 98 رنز بنا کر ڈھیر ہو گئی۔ کھانے کے وقفے تک سری لنکا نے 29 اوورز میں 6 وکٹوں کے نقصان پر 85 رنز اسکور کیے تھے، تاہم پہلے سیشن کے وقفے سے واپس آنے کے بعد بغیر کسی رن کے اضافے کے رضا اللہ نے سری لنکن بیٹنگ لائن کا ایک اور کھلاڑی آؤٹ کر دیا، یوں مہمان ٹیم کے 85 رنز پر 7 کھلاڑی پویلین لوٹ گئے۔
سری لنکا کا 97 کے مجموعی اسکور پر آٹھواں کھلاڑی تجربہ کار فاسٹ باؤلر محمد عباس کے ہاتھوں آؤٹ ہوا، جس کے فوراً بعد بغیر کسی اضافے کے عامر جمال نے مہمان بیٹرز کی لائن پر ایک اور کاری ضرب لگائی، اور پھر 98 کے مجموعی اسکور پر عامر جمال نے سری لنکن بیٹنگ کا مکمل طور پر کام تمام کر دیا۔ پاکستان کی جانب سے عامر جمال، محمد عباس اور رضا اللہ نے شاندار باؤلنگ کا مظاہرہ کرتے ہوئے 3، 3 کھلاڑیوں کو آؤٹ کیا، جبکہ ثاقب خان نے ایک وکٹ اپنے نام کی۔
متعلقہ عنوانات
گھاس والی پچز تیار کرنا فاسٹ بولرز کیلئے مثبت قدم ہے: عامر جمال
18 November 2026
اے سی سی ایشیا کپ رائزنگ سٹارز ٹرافی کی رونمائی کر دی گئی
18 November 2026
بھارت نے پاکستان کو شکست دے کر 10ویں بار ساف فٹبال چیمپئن شپ کا ٹائٹل جیت لیا
17 November 2026
سلو اوور ریٹ پر پاکستان اور سری لنکا کو جرمانے، پوائنٹس بھی کٹ گئے
17 November 2026
پاک بھارت میچز کا ہونا گلوبل ہاکی کیلئے بہت ضروری ہے: طیب اکرام
17 November 2026
نوجوان باکسر شیر باز مری نے عالمی سطح پر پاکستان کا نام روشن کردیا
17 November 2026
بلائنڈ کرکٹ ایشیا کپ: پاکستان نے بھارت کو ہرا کر فائنل میں جگہ بنالی
17 November 2026
ایشیا کپ بلائنڈ کرکٹ ٹورنامنٹ: پاکستان نے سنسنی خیز مقابلے میں بھارت کو آخری گیند پر ایک وکٹ سے شکست دے کر فائنل میں جگہ بنا لی
17 November 2026