پاکستان اور سری لنکا کے درمیان پہلا ٹیسٹ ڈرا ہو گیا
Web Desk
14 November 2026
پاکستان اور سری لنکا کے درمیان راولپنڈی کرکٹ سٹیڈیم میں کھیلا جانے والا پہلا ٹیسٹ میچ پانچویں اور آخری روز بغیر کسی نتیجے کے ختم ہو گیا، جبکہ قومی مڈل آرڈر بلے باز سعود شکیل بدقسمتی سے دونوں اننگز میں سنچری کے قریب پہنچ کر نروس نائنٹیز کا شکار ہوئے۔
راولپنڈی میں کھیلے گئے اس سنسنی خیز ٹیسٹ میچ کے آخری روز پاکستان نے اپنی دوسری اننگز 8 وکٹوں کے نقصان پر 284 رنز بنا کر ڈکلیئر کر دی۔ دوسری اننگز میں پاکستان کی جانب سے سعود شکیل ایک بار پھر نہایت ذمہ دارانہ بیٹنگ کرتے ہوئے 97 رنز بنا کر نمایاں بیٹر رہے، تاہم وہ محض 3 رنز کی کمی سے اپنی سنچری مکمل نہ کر سکے۔ دیگر بلے بازوں میں غازی غوری نے 35، سابق کپتان بابر اعظم نے 34، محمد طہٰ نے 24 اور اذان اویس نے 22 رنز کی اننگز کھیلی، جبکہ عرفات منہاس نے 16، سلمان علی آغا نے 13 اور طیب عارف نے 11 رنز اسکور کیے۔
قبل ازیں میچ کی پہلی اننگز میں پاکستان نے شاندار بیٹنگ کا مظاہرہ کرتے ہوئے 434 رنز بنا کر اننگز ڈکلیئر کی تھی، جس میں سعود شکیل 93 رنز کے ساتھ نمایاں رہے تھے۔ جواب میں سری لنکن ٹیم نے اپنی پہلی اننگز میں بھرپور مزاحمت کرتے ہوئے 446 رنز اسکور کیے اور میزبان ٹیم پر 12 رنز کی معمولی برتری حاصل کی۔ سری لنکا کی جانب سے دھنانجایا ڈی سلوا نے 167 رنز کی شاندار اننگز کھیلی جبکہ کپتان کوشل مینڈس نے 119 رنز اسکور کر کے ٹیم کو مستحکم پوزیشن دلائی۔
پہلی اننگز میں پاکستان کی بولنگ کا سب سے روشن پہلو ڈیبیو کرنے والے نوجوان بولر ثاقب خان کی تباہ کن کارکردگی رہی، جنہوں نے شاندار بولنگ کرتے ہوئے 7 سری لنکن کھلاڑیوں کو پویلین کی راہ دکھائی۔ وقت کی کمی کے باعث میچ کا فیصلہ ممکن نہ ہو سکا اور یوں سیریز کا پہلا ٹیسٹ ڈرا پر اختتام پذیر ہوا۔
متعلقہ عنوانات
ویمنز ایمرجنگ نیشز ٹرافی: پاکستان کی سکاٹ لینڈ کیخلاف شاندار کامیابی
22 November 2026
دورہ پاکستان کے اختتام پر سری لنکن کرکٹ ٹیم کے اعزاز میں عشائیہ
22 November 2026
وزارتِ خارجہ اور اسلام آباد چیمبر آف کامرس کے اشتراک سے گالف ٹورنامنٹ کا انعقاد
22 November 2026
سلطان اذلان شاہ ہاکی، پاکستان کی لگاتار دوسری فتح
22 November 2026
جوش ہیزل ووڈ نے پیٹ کمنز کو کپتانی سے ہٹانے پر ٹیم چھوڑنے کا عندیہ دے دیا
21 November 2026
سری لنکا کرکٹ ٹیم کے آل فارمیٹ دورہ پاکستان کے اختتام پر مہمان ٹیم کے اعزاز میں پُروقار عشائیہ
21 November 2026
پی سی بی نے نئے سینٹرل کنٹریکٹس کا اعلان کر دیا
21 November 2026
محمد عباس رواں سال ٹیسٹ کرکٹ میں سب سے زیادہ وکٹیں لینے والے بولر بن گئے
21 November 2026