جاپان پاکستان کو انسداد پولیو پروگرام کیلئے43 لاکھ ڈالر گرانٹ دے گا

حکومتِ جاپان نے پاکستان کے انسدادِ پولیو پروگرام کے لیے 43 لاکھ ڈالر کی نئی گرانٹ فراہم کرنے کا اعلان کر دیا ہے، جسے آئندہ سال ملک گیر انسدادِ پولیو مہم کے لیے ویکسین کی خریداری پر خرچ کیا جائے گا۔ متعلقہ حکام کے مطابق جاپان کی اس مالی معاونت سے 2027ء کی انسدادِ پولیو مہمات کے لیے 2 کروڑ 80 لاکھ ویکسین خوراکیں خریدی جائیں گی، جس سے ملک بھر میں بچوں کو پولیو سے بچاؤ کے قطرے پلانے کی مہم کو مزید مؤثر بنانے اور پولیو وائرس کے مکمل خاتمے میں بڑی مدد ملے گی۔ حکام کا کہنا ہے کہ انسدادِ پولیو ویکسین کی ہر خوراک پاکستان کو پولیو سے پاک ملک بنانے کے ہدف کے مزید قریب لے جانے میں معاون ثابت ہوگی، جبکہ جاپان 1996ء سے پاکستان کی انسدادِ پولیو کوششوں میں ایک دیرینہ اور کلیدی شراکت دار کے طور پر تعاون جاری رکھے ہوئے ہے۔