امریکا غیر قانونی کارروائیاں بند، جنگی نقصانات کا ہرجانہ ادا کرے: عباس عراقچی

ایرانی وزیر خارجہ عباس عراقچی نے مطالبہ کیا ہے کہ امریکا ایران کے خلاف اپنی غیر قانونی کارروائیاں فوری طور پر بند کرے اور جنگ میں ہونے والے نقصانات کا ہرجانہ ادا کرے۔ ایرانی وزیر خارجہ کے مطابق ایران پر امریکی حملے اقوام متحدہ کے چارٹر اور عالمی قوانین کی صریح خلاف ورزی ہیں، جبکہ اقوام متحدہ کے چارٹر کے آرٹیکل 51 کے تحت ایران کو اپنے دفاع کا پورا حق حاصل ہے۔ عباس عراقچی نے مزید مؤقف اختیار کیا کہ ان کارروائیوں کے لیے امریکا کو اقوام متحدہ کی سلامتی کونسل کی اجازت حاصل نہیں تھی اور محض ممکنہ خطرات کے خدشے کی بنیاد پر طاقت کا استعمال عالمی قوانین کے تحت کسی طور جائز نہیں ہے۔