سعودیہ سمیت خلیجی ممالک کی درخواست پر ایران پر مزید حملے روک دیے: ٹرمپ

امریکی صدر ڈونلڈ ٹرمپ نے دعویٰ کیا ہے کہ سعودی عرب، قطر، کویت، متحدہ عرب امارات اور بحرین سمیت خلیجی اتحادی ممالک نے ان سے ایران پر مزید بڑے فوجی حملے نہ کرنے اور موجودہ صورتحال کو برقرار رکھنے کی درخواست کی ہے۔ وائٹ ہاؤس میں ایک انٹرویو کے دوران گفتگو کرتے ہوئے ڈونلڈ ٹرمپ نے کہا کہ اگرچہ وہ ذاتی طور پر اس حکمتِ عملی سے مکمل متفق نہیں تاہم علاقائی اتحادیوں کی درخواستوں کے پیشِ نظر فی الحال ایران پر معاشی اور فوجی دباؤ برقرار رکھا گیا ہے، بصورتِ دیگر اگر وہ فیصلہ کریں تو محض تین دن کے اندر ایران کے توانائی کے نظام، پلوں اور صنعتی پیداواری ڈھانچے کو مکمل طور پر تباہ کر سکتے ہیں۔ امریکی صدر نے یہ بھی تسلیم کیا کہ ایران جنگ کے باعث پیٹرول کی قیمتوں میں اضافے نے وسط مدتی انتخابات میں ریپبلکن پارٹی کی شکست میں کردار ادا کیا، تاہم انہوں نے ایران کے خلاف کارروائی کے اپنے مؤقف کا بھرپور دفاع کیا۔ دوسری جانب کشیدگی اس وقت بھی برقرار ہے جب ایرانی پاسدارانِ انقلاب نے ایران کے علاقے سیریک پر فوجی حملے کے جواب میں بحرین میں امریکی فوج کا ابتدائی وارننگ ریڈار سسٹم تباہ کرنے کا دعویٰ کیا ہے۔