ملکی مجموعی زرمبادلہ کے ذخائر میں 2 کروڑ 58 لاکھ ڈالر کی کمی

ملکی زرمبادلہ کے مجموعی ذخائر میں گزشتہ کاروباری ہفتے کے دوران 2 کروڑ 58 لاکھ ڈالر کی مجموعی کمی ریکارڈ کی گئی ہے، تاہم اس دوران مرکزی بینک کے اپنے ذخائر میں معمولی اضافہ دیکھنے میں آیا ہے۔

اسٹیٹ بینک آف پاکستان (SBP) کی جانب سے جاری کردہ ہفتہ وار اعدادوشمار کے مطابق گزشتہ ہفتے مرکزی بینک کے زرمبادلہ ذخائر میں ایک کروڑ 20 لاکھ ڈالر کا اضافہ ہوا، جس کے بعد اسٹیٹ بینک کے پاس موجود خالص ذخائر بڑھ کر 21 ارب 57 کروڑ ڈالر کی سطح پر پہنچ گئے ہیں۔

دوسری جانب مرکزی بینک کے اعدادوشمار کے مطابق کمرشل بینکوں کے پاس موجود زرمبادلہ کے ذخائر میں 3 کروڑ 70 لاکھ ڈالر کی کمی واقع ہوئی ہے، جس کے بعد کمرشل بینکوں کے ذخائر کم ہو کر 5 ارب 26 کروڑ ڈالر رہ گئے ہیں۔ کمرشل بینکوں کے ذخائر میں اس کمی کے باعث ملک کے مجموعی زرمبادلہ ذخائر 2 کروڑ 58 لاکھ ڈالر کی کمی کے بعد 26 ارب 83 کروڑ ڈالر کی سطح پر آ گئے ہیں۔