وزیراعظم شہباز شریف کوپ 31 کانفرنس میں شرکت کے بعد وطن روانہ

وزیراعظم محمد شہباز شریف جمہوریہ ترکیہ کے شہر انطالیہ میں عالمی رہنماؤں کی ماحولیاتی کانفرنس (COP31) میں شرکت کے بعد وطن واپس روانہ ہو گئے ہیں۔

سرکاری اعلامیے کے مطابق انطالیہ ایئرپورٹ پر جمہوریہ ترکیہ کے نائب وزیر ماحولیات حسن سوور اور دیگر اعلیٰ ترک حکام نے وزیراعظم محمد شہباز شریف کو الوداع کیا۔

دورے کے دوران وزیراعظم نے عالمی رہنماؤں کی کوپ 31 (COP31) کانفرنس میں پاکستان کی بھرپور نمائندگی کرتے ہوئے ماحولیاتی تبدیلیوں کے چیلنجز اور موسمیاتی انصاف پر پاکستان کا مؤقف پیش کیا، جبکہ کانفرنس کی سائیڈ لائنز پر مختلف عالمی رہنماؤں سے اہم دوطرفہ ملاقاتیں بھی کیں۔