ایران کے ساتھ معاہدے کی اب کوئی ضرورت نہیں: امریکی صدر کا دو ٹوک اعلان

امریکی صدر ڈونلڈ ٹرمپ نے دوٹوک اعلان کرتے ہوئے کہا ہے کہ اب ایران کے ساتھ کسی بھی نئے معاہدے کی کوئی ضرورت باقی نہیں رہی ہے۔

اپنے ایک بیان میں امریکی صدر ڈونلڈ ٹرمپ نے مؤقف اختیار کیا کہ امریکا کے پاس ایران کے منجمد شدہ سیکڑوں ارب ڈالر اور آبنائے ہرمز کا کنٹرول موجود ہے، اس لیے واشنگٹن کو تہران کے ساتھ کسی معاہدے کی حاجت نہیں۔

علاوہ ازیں داخلی سیاسی صورتحال پر بات کرتے ہوئے صدر ٹرمپ نے الزام عائد کیا کہ امریکا کی ڈیموکریٹ ریاستیں شدید بدانتظامی اور کرپشن کا شکار ہیں۔ انہوں نے دعویٰ کیا کہ منی سوٹا، کیلیفورنیا اور الینوائے جیسی ریاستوں میں بڑے پیمانے پر کرپشن ہو رہی ہے، جس کے تدارک کے لیے انہوں نے نائب صدر جے ڈی وینس کو ڈیموکریٹس کے زیرِ انتظام شہروں میں مبینہ کرپشن کی باقاعدہ تحقیقات شروع کرنے کی ہدایت جاری کر دی ہے۔