وفاقی آئینی عدالت: ایم پی او کیسز کی درخواست دوبارہ سماعت کیلئے مقرر

وفاقی آئینی عدالت نے مینٹیننس آف پبلک آرڈر (ایم پی او) کیسز سے متعلق دائر درخواست کو دوبارہ باقاعدہ سماعت کے لیے مقرر کر دیا ہے۔

عدالتی ذرائع کے مطابق خیبرپختونخوا حکومت کی جانب سے پشاور ہائی کورٹ کے مختلف فیصلوں کے خلاف دائر کی گئی اس اہم درخواست پر اب آئندہ سماعت 16 نومبر کو عمل میں لائی جائے گی۔ اس کیس میں صوبائی حکومت نے پشاور ہائی کورٹ کی جانب سے ایم پی او کے تحت نظربندیوں سے متعلق دیے گئے احکامات کو چیلنج کر رکھا ہے۔