ماسکو میں 12 نومبر کو عالمی فلم ایوارڈز کی تقریب، پاکستان کی 2 فلمیں نامزد

روس کے دارالحکومت ماسکو میں 12 نومبر کو دوسرے بین الاقوامی یوریشین فلم ایوارڈز ’’ڈائمنڈ بٹر فلائی‘‘ کی پروقار تقریب منعقد ہوگی، جس میں پاکستان کی دو فلموں ’’ویلکم ٹو پنجاب‘‘ (ہدایت کار شہزاد رفیق) اور ’’میرا لیاری‘‘ (ہدایت کار ابو علیحہ) کو نامزد امیدواروں کی فہرست میں شامل کیا گیا ہے۔

یوریشین اکیڈمی آف سینماٹوگرافک آرٹس کے زیرِ اہتمام منعقد ہونے والی اس تقریب کی سب سے بڑی خاصیت ہیروں سے مزین ایوارڈز ہیں۔ بہترین فلم کے فاتح کو 10 قیراط کا ہیرا (مالیت 10 لاکھ ڈالر) جبکہ دیگر 11 کیٹیگریز کے فاتحین کو 5، 5 قیراط کے ہیرے (مالیت ڈھائی لاکھ ڈالر فی کس) دیے جاتے ہیں۔ اس عالمی ایوارڈ کا آغاز معروف روسی فلم ساز نکیتا میخالکوف کی تجویز پر ہوا تھا جس کا بنیادی مقصد ثقافتی سفارت کاری اور انسانی اقدار پر مبنی فلموں کو فروغ دینا ہے۔

یاد رہے کہ گزشتہ سال نومبر 2025ء میں منعقدہ پہلے ایڈیشن میں پاکستانی اداکارہ سونیا حسین نے فلم ‘دیمک’ کے لیے بہترین معاون اداکارہ کا ڈائمنڈ ایوارڈ جیت کر تاریخ رقم کی تھی۔ رواں سال تسلسل کے ساتھ مسلسل دوسرے سال پاکستان کی دو فلموں کی نامزدگی عالمی سطح پر پاکستانی سینما اور فنکاروں کی صلاحیتوں کی پذیرائی کا باعث بن رہی ہے۔