ٹک ٹاکر انصر عرف پتلو کی عبوری ضمانت منسوخ

ڈسکہ میں مہندی کی تقریب کے دوران بھگدڑ مچنے کے نتیجے میں 2 افراد کے جاں بحق اور 18 کے زخمی ہونے والے مقدمے میں نامزد ٹک ٹاکر انصر عرف پتلو کی عبوری ضمانت عدم پیشی پر منسوخ کر دی گئی ہے۔ ڈسکہ کی عدالت نے تھانہ موترہ میں درج مقدمے کی سماعت کے دوران ملزم کی غیر حاضری پر یہ فیصلہ سنایا۔ دوسری جانب پولیس ذرائع کے مطابق ٹک ٹاکر کو جاں بحق ہونے والے نوجوان کے لواحقین کو دھمکیاں دینے کے ایک دوسرے مقدمے میں تھانہ صدر ڈسکہ پولیس نے پہلے ہی گرفتار کر رکھا ہے۔ واضح رہے کہ ڈسکہ روڈ پر منعقدہ اس مہندی کی تقریب میں بدنظمی کے باعث قیمتی جانوں کا زیاں ہوا تھا جس پر پولیس کی مدعیت میں قانونی کارروائی شروع کی گئی تھی۔