برلن میں بین الاقوامی نمائش بازار، پاکستانی روایتی دستکاری کا خصوصی پویلین قائم

میں پاکستان کا خصوصی پویلین قائم کر دیا گیا ہے، جہاں ملک کے مختلف علاقوں کی روایتی دستکاری اور منفرد ثقافتی ورثے کو عالمی سطح پر پیش کیا جا رہا ہے۔

عالمی نمائش میں دنیا بھر کے تقریباً 60 ممالک سے آئے ہوئے نمائش کنندگان اپنے اسٹالز لگا رہے ہیں۔ جرمنی میں پاکستان کے سفیر سلمان شریف نے پاکستانی پویلین کا دورہ کیا اور وہاں موجود پاکستانی ہنرمندوں، دستکاروں اور تاجروں سے تفصیلی ملاقات کی۔ پاکستانی پویلین میں ہاتھ سے تیار کردہ نفیس قالین، لکڑی کا روایتی فرنیچر، پیتل اور تانبے کے دیدہ زیب برتن و شہ پارے اور ہاتھ سے کی گئی روایتی کڑھائی و کپڑے کی مصنوعات شامل ہیں، جن میں جرمن اور یورپی خریداروں نے گہری دلچسپی ظاہر کی۔

اس موقع پر گفتگو کرتے ہوئے سفیرِ پاکستان سلمان شریف نے کہا کہ بازار برلن جیسے عالمی پلیٹ فارمز پاکستانی دستکاری اور مقامی مصنوعات کو یورپی منڈیوں میں متعارف کرانے کا بہترین ذریعہ ہیں۔ انہوں نے اس بات کا اعادہ کیا کہ پاکستانی سفارت خانہ برلن، جرمنی میں موجود پاکستانی تاجر برادری اور فنکاروں کو تجارتی روابط بڑھانے اور ان کی برآمدات کو یورپی مارکیٹ تک رسائی میں ہر ممکن معاونت فراہم کرتا رہے گا۔