جعلی خبروں اور ڈس انفارمیشن کا پھیلاؤ آج کا سب سے بڑا چیلنج ہے: عطا تارڑ

وفاقی وزیر اطلاعات و نشریات عطاء اللہ تارڑ نے کہا ہے کہ جدید دور میں جعلی و غیر مصدقہ خبریں (ڈس انفارمیشن) اور مصنوعی ذہانت (AI) کا منفی استعمال سب سے بڑا چیلنج بن چکا ہے، جس سے نمٹنے کے لیے فیکٹ چیک کا نظام اور قوانین مضبوط بنانا ہوں گے۔ ایک تقریب سے خطاب کرتے ہوئے انہوں نے واضح کیا کہ پیکا (PECA) ایکٹ کا مقصد آزادیِ اظہارِ رائے پر قدغن لگانا نہیں بلکہ صرف الیکٹرانک و ڈیجیٹل جرائم کی روک تھام ہے، اور سائبر کرائمز پر قابو پانے کے لیے نیشنل سائبر کرائم انویسٹی گیشن ایجنسی (NCCIA) فعال کی گئی ہے۔ انہوں نے کہا کہ بھارتی پروپیگنڈے اور جعلی خبروں کا پاکستانی میڈیا نے ذمہ داری سے جواب دیا، تاہم سوشل میڈیا پر معلومات کی تصدیق اور منفی استعمال کو روکنے کے لیے خصوصی ڈیجیٹل کورسز اور عوامی آگاہی ناگزیر ہو چکی ہے۔