شمالی کوریا کا فضائی دفاعی میزائل سسٹم کا تجربہ، کروز میزائل حملوں کی مشقیں

شمالی کوریا نے اپنے دفاعی صلاحیتوں کو مزید مستحکم کرتے ہوئے ایک نئے فضائی دفاعی میزائل سسٹم کا کامیاب تجربہ کیا ہے، جبکہ اس کے ساتھ ساتھ کروز میزائل حملوں کی خصوصی مشقیں بھی کی گئی ہیں۔ شمالی کوریا کی سرکاری خبر ایجنسی کے مطابق اس عسکری تجربے کا بنیادی مقصد میزائل میں استعمال ہونے والے جدید مواد، رہنمائی کے مختلف طریقوں، تکنیکی خصوصیات اور عسکری پائیداری کی مکمل تصدیق کرنا تھا۔ میڈیا رپورٹس کے مطابق اس دوران میزائل سسٹم کی جانب سے اہداف کی درست شناخت اور دشمن کے نشانے کا بروقت تعاقب کرنے کی صلاحیتوں کا بھی باریک بینی سے جائزہ لیا گیا۔