امریکی وسط مدتی انتخابات واشنگٹن کا داخلی معاملہ ہے: چین

چین نے امریکی وسط مدتی انتخابات (مڈٹرم الیکشن) کو امریکا کا اندرونی معاملہ قرار دیتے ہوئے واشنگٹن کے ساتھ دوطرفہ رابطے مزید مضبوط بنانے کی خواہش کا اظہار کیا ہے۔ چینی وزارتِ خارجہ کے ترجمان نے بیجنگ میں پریس بریفنگ دیتے ہوئے کہا کہ چین دونوں ممالک کی اعلیٰ قیادت کے درمیان طے پانے والے اتفاقِ رائے پر عمل درآمد کے لیے امریکا کے ساتھ مل کر کام کرنے کے لیے تیار ہے۔ مشرقِ وسطیٰ اور خلیجی خطے کی موجودہ صورتحال پر بات کرتے ہوئے ترجمان نے واضح کیا کہ چین خطے میں امن و استحکام کے لیے سعودی عرب، ایران اور دیگر علاقائی ممالک کے ساتھ بات چیت کے عمل کو وسعت دینا چاہتا ہے، جبکہ چین ایران اور امریکا کے درمیان پائے جانے والے تفرقات اور کشیدگی کا مذاکرات کے ذریعے سفارتی حل نکالنے کا حامی ہے۔