پولیس سے جھگڑے کا کیس: ایمان مزاری اور ہادی چٹھہ کی ضمانت منظور

اسلام آباد کی انسدادِ دہشت گردی عدالت نے روڈ بلاک کرنے اور پولیس اہلکاروں سے لڑائی جھگڑے سے متعلق کیس میں ایمان مزاری اور ہادی علی چٹھہ کی ضمانت منظور کر لی ہے۔ کیس کی سماعت انسدادِ دہشت گردی عدالت کے جج ابوالحسنات محمد ذوالقرنین نے کی، جس کے دوران پولیس کی جانب سے کیس کا باقاعدہ ریکارڈ پیش کیا گیا۔ جج ابوالحسنات ذوالقرنین نے فریقین کے دلائل اور ریکارڈ کا جائزہ لینے کے بعد دونوں ملزمان کی 5، 5 ہزار روپے کے مچلکوں کے عوض ضمانت منظور کرنے کا حکم دیا، جبکہ انہوں نے پولیس کے شوکاز نوٹس سے متعلق معاملے کا جائزہ لینے کی بھی ہدایت کی ہے۔