چائنا کمیونسٹ پارٹی کا عوام سے جڑے رہنے کا ماڈل قابلِ تقلید ہے: اسحاق ڈار

نائب وزیراعظم اسحاق ڈار نے چین کی کمیونسٹ پارٹی کے وزیر لیو ہائی شنگ کے ہمراہ خطاب کرتے ہوئے کہا ہے کہ چین کی ترقی میں جماعت سازی، شفافیت اور خود احتسابی کا اہم ترین کردار ہے، اور سی پی سی کا عوام سے جڑے رہنے کا ماڈل پاکستان کے لیے قابلِ تقلید ہے۔ پاک چین سفارتی تعلقات کی 75 ویں سالگرہ اور کمیونسٹ پارٹی کی 105 ویں سالگرہ کا ذکر کرتے ہوئے اسحاق ڈار نے صدر شی جن پنگ کی قیادت اور غربت کے خاتمے کی تاریخی کاوشوں کو سراہا۔ انہوں نے مزید بتایا کہ سی پیک جوائنٹ کنسلٹیشن میکانزم کے تحت دونوں ممالک نے مشرقِ وسطیٰ میں امن کے لیے ‘فائیو پوائنٹ پیس انیشی ایٹو’ کا بھی آغاز کیا ہے۔ اس موقع پر چینی وزیر لیو ہائی شنگ اور سینیٹر شیری رحمن نے بھی باہمی اسٹریٹجک شراکت داری اور گڈ گورننس کے تجربات کے تبادلے کو وقت کی اہم ضرورت قرار دیا۔