گورنر راج اور ایمرجنسی نہ لگاتے تو خیبرپختونخوا کو مزید نقصان ہو سکتا تھا: وزیراعظم

وزیراعظم محمد شہباز شریف نے مسلم لیگ (ن) خیبر پختونخوا کی پارلیمانی پارٹی اور عہدیداروں سے خطاب کرتے ہوئے کہا ہے کہ 2019 اور 2020 میں افغانستان سے دہشت گردوں کو واپس لا کر خیبر پختونخوا میں بسایا گیا اور ناگزیر حالات کے پیش نظر صوبے میں گورنر راج و ایمرجنسی نافذ کی گئی، کیونکہ بروقت فیصلہ نہ ہوتا تو صوبے کو مزید نقصان پہنچ سکتا تھا۔ انہوں نے کہا کہ این ایف سی ایوارڈ کے تحت صوبے کو ملنے والے 800 ارب روپے کے باوجود انسدادِ دہشت گردی کے محکمے کو مضبوط نہیں بنایا گیا اور نہ ہی پولیس میں خالی اسامیوں پر بھرتی ہوئی۔ وزیراعظم نے واضح کیا کہ پیپلز پارٹی اور ن لیگ کی کمیٹی نے 48 گھنٹے تک مذاکرات کیے لیکن طے شدہ مسودے کی منظوری نہ مل سکی۔ انہوں نے حکومت کی معاشی کامیابیوں کا ذکر کرتے ہوئے بتایا کہ خلیجی جنگ اور عالمی حالات کی وجہ سے بڑھنے والی توانائی کی قیمتوں کے باوجود 75 ارب روپے کی فیول سبسڈی اسکیماز سے 1 کروڑ 30 لاکھ افراد مستفید ہو رہے ہیں۔