11 ویں تھل ڈیزرٹ ریلی 5 سے 8 نومبر تک ہوگی، ملکی و غیر ملکی ریسرز حصہ لیں گے

ٹورازم ڈویلپمنٹ کارپوریشن آف پنجاب (ٹی ڈی سی پی) کے زیرِ اہتمام گیارہویں تھل ڈیزرٹ ریلی 5 سے 8 نومبر 2026 تک لیہ، کوٹ ادو اور مظفرگڑھ کے صحرائے تھل میں منعقد ہو رہی ہے، جس میں ملکی و غیر ملکی ریسرز 210 کلومیٹر طویل ٹریک پر مختلف کیٹیگریز میں حصہ لیں گے۔ ایم ڈی ٹی ڈی سی پی عاصم رضا کے مطابق اس ایونٹ کا مقصد ایڈونچر ٹورازم، جنوبی پنجاب کی ثقافت اور مقامی معیشت کو فروغ دینا ہے۔ شیڈول کے تحت 5 نومبر کو رجسٹریشن و طبی معائنہ، 6 نومبر کو کوالیفائنگ راؤنڈ، 7 نومبر کو اسٹاک کیٹیگری اور 8 نومبر کو پری پیئرڈ، ویمن، ڈرٹ بائیک، کواڈ بائیک اور 6×6 کیٹیگریز کے مقابلے ہوں گے، جبکہ اختتامی تقریبِ تقسیمِ انعامات سرکٹ ہاؤس مظفرگڑھ میں انعقاد پذیر ہوگی۔