کے پی پولیس کو جدید ساز و سامان کی فراہمی، اے پی سیز، ایمبولینسز افسران کے حوالے

خیبر پختونخوا پولیس کو جدید ساز و سامان سے لیس کرنے کے عزم کے تحت 8 جدید بکتر بند گاڑیاں (اے پی سیز) اور 10 ایمبولینسز مختلف ریجنز کے ضلعی پولیس افسران کے حوالے کر دی گئی ہیں۔ سینٹرل پولیس آفس کے مطابق فراہم کی جانے والی گاڑیوں میں 6 ’ضرب حیدر‘ اور 2 ’ڈریگون کلاس‘ اے پی سیز شامل ہیں۔ الانسائڈ معائنے اور گاڑیوں کی چابیاں افسران کے حوالے کرنے کے بعد انسپکٹر جنرل آف پولیس (آئی جی پی) ذوالفقار حمید نے بتایا کہ یہ جدید اے پی سیز ہنگامی صورتحال اور آپریشنز کے دوران جوانوں کی محفوظ نقل و حرکت کو یقینی بنائیں گی، جبکہ جدید طبی سہولیات سے لیس ایمبولینسز کے ذریعے فیلڈ میں زخمی ہونے والے اہلکاروں کو بروقت ابتدائی طبی امداد فراہم کی جا سکے گی۔