سعودی عرب پر حوثی باغیوں کے بیلسٹک میزائل حملوں کی شدید مذمت: دفترِ خارجہ

پاکستان نے سعودی عرب میں مکہ اور مدینہ کے علاقوں کو نشانہ بنانے کے لیے حوثی باغیوں کی جانب سے کیے گئے بیلسٹک میزائل حملوں کی شدید الفاظ میں مذمت کی ہے۔ ترجمان دفترِ خارجہ نے اپنے بیان میں کہا کہ حوثی باغیوں کی یہ کارروائی سعودی عرب کی خودمختاری اور علاقائی سالمیت کی سنگین خلاف ورزی ہے، جس سے مقدس مقامات کی حرمت اور شہریوں کی سلامتی کو خطرے میں ڈالا گیا۔ پاکستان نے سعودی عرب کے ساتھ کامل یکجہتی اور مکہ الائنس کے تحت حرمین شریفین کے تحفظ اور برادر اسلامی ملک کی سیکیورٹی کے پختہ عزم کا اعادہ کیا ہے۔ اس موقع پر ترجمان نے بیلسٹک میزائل حملوں کو فضا ہی میں ناکام بنانے پر سعودی فضائی دفاعی فورسز کی اعلیٰ صلاحیتوں اور بیداری کو بھی شاندار الفاظ میں سراہا۔