کینسر میں مبتلا بنگلادیشی کرکٹر ایمبولینس میں زندگی کی بازی ہار گیا

خون کے سرطان میں مبتلا بنگلہ دیش کی انڈر 18 کرکٹ ٹیم کے ابھرتے ہوئے بائیں ہاتھ کے فاسٹ بولر مہدی حسن ہردوئے علاج کے لیے ڈھاکا منتقلی کے دوران ایمبولینس میں انتقال کر گئے۔ چٹاگانگ ڈویژن سے تعلق رکھنے والے نوجوان کرکٹر کی حالت بگڑنے پر انہیں چٹاگانگ سے ڈھاکا منتقل کیا جا رہا تھا تاہم وہ ہسپتال پہنچنے سے پہلے ہی دم توڑ گئے۔ رواں برس جولائی میں بنگلہ دیش کرکٹ بورڈ (بی سی بی) اور وزارتِ کھیل نے ان کے علاج کے لیے مالی امداد بھی فراہم کی تھی، مگر طبی کوششوں کے باوجود ان کی زندگی نہ بچائی جا سکی۔ بی سی بی نے نوجوان فاسٹ بولر کے ناگہانی انتقال پر گہرے دکھ اور افسوس کا اظہار کیا ہے۔