ون ڈے ٹرائی سیریز کا چوتھا میچ آج پاکستان اور انگلینڈ کے درمیان کھیلا جائے گا

ون ڈے ٹرائی سیریز کا چوتھا اہم میچ آج پاکستان اور انگلینڈ کی کرکٹ ٹیموں کے درمیان قذافی اسٹیڈیم لاہور میں کھیلا جائے گا۔

میچ کی تیاریوں کے سلسلـے میں دونوں ٹیموں نے قذافی اسٹیڈیم میں بھرپور پریکٹس سیشن میں حصـہ لیا، جہاں کھلاڑیوں نے بیٹنگ، باؤلنگ اور فیلڈنگ کی سخت مشقیں کیں۔ واضح رہے کہ پاکستان نے اس سیریز میں اب تک اپنے کھیلے گئے دونوں میچز میں شاندار کامیابی حاصل کر رکھی ہے۔

آج کا یہ میچ بریسٹ کینسر (چھاتی کے کینسر) سے آگاہی کے لیے ‘پنک ڈے’ (Pink Day) سے منسوب کیا گیا ہے۔ میچ کے آغاز سے قبل قومی ٹیم کے اسٹار کھلاڑیوں شاہین شاہ آفریدی اور بابر اعظم کی دستخط شدہ پنک شرٹس کو نیلامی کے لیے پیش کیا جائے گا، جس سے حاصل ہونے والی تمام رقم کینسر سے متاثرہ خواتین کے علاج معالجے پر خرچ کی جائے گی۔ چیئرمین پاکستان کرکٹ بورڈ (پی سی بی) محسن نقوی نے بھی قذافی اسٹیڈیم کا دورہ کر کے انتظامات کا جائزہ لیا۔