مینز ایشیا کپ رائزنگ سٹارز کے شیڈول کا باضابطہ اعلان

ایشین کرکٹ کونسل (ACC) نے مینز ایشیا کپ رائزنگ سٹارز (Men’s Asia Cup Rising Stars) کا باضابطہ شیڈول جاری کر دیا ہے۔

شیڈول کے مطابق یہ ایونٹ 19 سے 29 نومبر تک قطر میں منعقد ہوگا، جس میں 8 ٹیمیں ایک دوسرے کے مقابل ہوں گی۔ ایونٹ کی تمام ٹیموں کو دو گروپس میں تقسیم کیا گیا ہے۔ گروپ اے میں سری لنکا اے، بنگلادیش اے، افغانستان اے اور ہانگ کانگ شامل ہیں جبکہ گروپ بی میں پاکستان اے، بھارت اے، نیپال اور متحدہ عرب امارات (UAE) کی ٹیموں کو رکھا گیا ہے۔

پاکستان اے اپنی مہم کا آغاز 20 نومبر کو یو اے ای کے خلاف میچ سے کرے گا۔ اس کے بعد قومی ٹیم کا روایتی حریف بھارت اے سے مقابلہ 22 نومبر کو ہوگا، جبکہ پاکستان اے اپنا تیسرا گروپ میچ 23 نومبر کو نیپال کے خلاف کھیلے گا۔