زلمے خلیل زاد کا پاکستان پر افغانوں کو طالبان کیخلاف استعمال کرنے کا الزام، فیکٹ چیک جاری

پاکستان نے افغانوں کو طالبان کے خلاف مسلح کرنے سے متعلق امریکی سابق سفارتکار زلمے خلیل زاد کے بے بنیاد اور گمراہ کن الزامات کو یکسر مسترد کر دیا ہے۔ وزارتِ اطلاعات و نشریات کی جانب سے جاری بیان کے مطابق خلیل زاد کے دعوے محض ان کا ذاتی ایجنڈا ہیں، جن کا مقصد دہشت گردی کی حامی افغان طالبان ریجیم کی کارروائیوں سے پردہ پوشی کرنا ہے۔ بیان میں واضح کیا گیا کہ پاکستان کے جائز انسدادِ دہشت گردی آپریشنز کو افغان شہریوں کی بھرتی سے جوڑنا انتہائی لغو ہے، جبکہ اقوامِ متحدہ کی رپورٹس بھی افغانستان میں ٹی ٹی پی اور القاعدہ کی موجودگی کی تصدیق کر چکی ہیں۔ ترجمان نے مزید کہا کہ یہ الزامات افغان طالبان کی اس ذمہ داری سے توجہ ہٹانے کی ناکام کوشش ہیں کہ وہ اپنی سرزمین کو پاکستان کے خلاف بھارتی پراکسیز کے طور پر استعمال ہونے سے روکیں۔