مشہور گیم سٹک رن کے بانی مینوئل اوٹو نے لائیو سٹریم کے دوران خودکشی کر لی

مقبول آن لائن گیم ‘سٹک رن’ (Stick Run) کے بانی اور جرمنی سے تعلق رکھنے والے 30 سالہ معروف سوشل میڈیا انفلوئنسر مارک مینوئل الیگزینڈر اوٹو (المعروف مینوئل اوٹو) کا انتقال ہو گیا ہے۔

گیم انتظامیہ اور لائیو سٹریمنگ پلیٹ فارم ‘ٹوئچ’ (Twitch) نے ان کی موت کی تصدیق کی ہے۔ جرمنی کی ریاست باویریا میں ایک عمارت میں پراسرار آگ لگنے کے بعد ان کی لاش برآمد ہوئی، جبکہ اطلاعات کے مطابق انہوں نے مبینہ طور پر ایک لائیو سٹریم کے دوران اپنی زندگی کا خاتمہ کیا۔ ٹوئچ انتطامیہ نے واقعے کو انتہائی افسوسناک قرار دیتے ہوئے اس ویڈیو اور ان کا چینل پلیٹ فارم سے فوری طور پر بلاک کر دیا ہے۔

مینوئل اوٹو 1996 میں پیدا ہوئے اور انہوں نے محض 14 برس کی عمر میں 2010 میں فیس بک کے لیے ملٹی پلیئر گیم ‘سٹک رن’ تیار کی تھی، جس نے دنیا بھر میں کروڑوں صارفین کی توجہ حاصل کی اور بعد میں موبائل فونز پر بھی بے حد مقبول ہوئی۔ سٹک رن اور گیمنگ کمیونٹی نے ان کی اچانک موت پر گہرے دکھ کا اظہار کرتے ہوئے انہیں آن لائن گیمنگ کی دنیا میں ایک زبردست جدت پسند کے طور پر خراجِ تحسین پیش کیا ہے۔