دمام ایئرپورٹ پر حوثی حملے میں جاں بحق افراد کی تعداد 2 ہوگئی

سعودی عرب کی جنرل اتھارٹی آف سول ایوی ایشن (GACA) نے تصدیق کی ہے کہ دمام کے شاہ فہد انٹرنیشنل ایئرپورٹ پر حوثی ملیشیا کے حملے کے نتیجے میں جاں بحق ہونے والے افراد کی تعداد بڑھ کر 2 ہو گئی ہے۔

سول ایوی ایشن کے جاری کردہ بیان کے مطابق اس ہلاکت خیز حملے میں ایک سعودی شہری اور ایک بھارتی باشندہ جان کی بازی ہار گئے، جبکہ واقعے میں 8 افراد زخمی بھی ہوئے ہیں جنہیں فوری طور پر قریبی اسپتالوں میں منتقل کر کے طبی امداد فراہم کی جا رہی ہے اور ان کی حالت خطرے سے باہر بتائی جاتی ہے۔ حکام کا کہنا ہے کہ حادثے کے بعد ایئرپورٹ پر عارضی تعطل کے بعد فضائی آپریشن مکمل طور پر بحال کر دیا گیا ہے اور پروازوں کی آمد و رفت اب معمول کے مطابق جاری ہے۔