جماعت اسلامی کا پٹرولیم لیوی کے خاتمے کیلئے کل ملک گیر احتجاج کا اعلان

جماعت اسلامی پاکستان نے ملک میں پٹرولیم لیوی کے مکمل خاتمے اور عوام کو معاشی ریلیف کی فراہم کے لیے جمعہ 23 اکتوبر کو ملک گیر پرامن احتجاج کا باقاعدہ اعلان کر دیا ہے۔

اسی تناظر میں وفاقی وزیر احسن اقبال اور نائب امیر جماعت اسلامی لیاقت بلوچ کے درمیان ایک اہم ٹیلیفونک رابطہ ہوا، جس کے بعد حکومتی اور جماعت اسلامی کی مذاکراتی کمیٹیوں کا مشترکہ اجلاس 23 اکتوبر کو اسلام آباد میں طلب کر لیا گیا ہے۔ لیاقت بلوچ نے میڈیا کو بتایا کہ اس اجلاس کے دوران وزیراعظم شہباز شریف اور امیر جماعت اسلامی حافظ نعیم الرحمن کی اعلیٰ سطح ملاقات کا حتمی شیڈول اور agenda طے کیا جائے گا۔

نائب امیر جماعت اسلامی نے واضح کیا کہ پٹرولیم لیوی ٹیکس کے خاتمے کے لیے جمعہ کو احتجاج اور حکومت کے ساتھ مذاکرات کا عمل ایک ساتھ جاری رہیں گے۔ انہوں نے زور دیا کہ جماعت اسلامی کا بنیادی مقصد عوام کو مہنگائی سے ریلیف دلانا اور ملک میں معاشی سرگرمیوں کو بحال رکھنا ہے