ترکیہ کا سعودی عرب میں فوجی اہلکار تعینات کرنے کا فیصلہ

ترکیہ نے سعودی عرب کے ساتھ طے پانے والے مشترکہ دفاعی معاہدے کی توثیق کے بعد ریاض میں اپنے فوجی اہلکار تعینات کرنے کا اہم فیصلہ کیا ہے۔

خبر رساں ادارے ‘رائٹرز’ کے مطابق ترک حکمران جماعت کے ایک رکنِ پارلیمنٹ نے بتایا کہ معاہدے کی توثیق کے بعد ترک حکومت فوجی تعیناتی کے لیے باقاعدہ قرارداد پارلیمنٹ میں پیش کرے گی۔ اس مشترکہ دفاعی معاہدے کے تحت انقرہ کو سعودی عرب میں اپنے فوجی اہلکار تعینات کرنے کا قانونی اختیار حاصل ہو جائے گا، جو ابتدائی مرحلے میں سعودی مسلح افواج کو فضائی دفاع (Air Defence) اور الیکٹرانک وارفیئر (Electronic Warfare) کے شعبوں میں تکنیکی اور عملی معاونت فراہم کریں گے۔

رپورٹ میں واضح کیا گیا ہے کہ اس معاہدے کے تحت سعودی عرب میں تعینات ہونے والے ترک عسکری اہلکار کسی بھی قسم کی جارحانہ یا جنگی کارروائیوں میں براہِ راست حصہ نہیں لیں گے۔ اس کے علاوہ، ترکیہ نے خطے میں جہاز رانی کے تحفظ کے لیے بحیرۂ احمر (Red Sea) میں فعال سعودی اتحاد میں شامل ہونے پر بھی اتفاق کیا ہے