فرانسیسی صدر میکرون کا سعودی عرب کا غیر اعلانیہ دورہ، ولی عہد سے ملاقات متوقع

فرانسیسی صدر ایمانوئل میکرون نے خلیجی ممالک کے دورے کے دوران سعودی عرب کا غیر اعلانیہ دورہ کیا ہے، جہاں ریاض کے ہوائی اڈے پر گورنر ریاض نے ان کا استقبال کیا۔ خبر رساں اداروں کے مطابق حالیہ حوثی حملوں میں اضافے کے بعد ایمانوئل میکرون سعودی عرب کا دورہ کرنے والے پہلے مغربی سربراہِ مملکت بن گئے ہیں، اور ان کی سعودی ولی عہد شہزادہ محمد بن سلمان سے اہم ملاقات متوقع ہے۔ فرانس میں مہنگائی اور توانائی کے بحران کے پس منظر میں ہونے والے اس دورے کا بنیادی مقصد دوطرفہ توانائی کے شعبے میں تعاون کو فروغ دینا اور معاشی شراکت داری کو مزید مستحکم کرنا ہے۔