اسرائیل کا نیا سکیورٹی نظریہ ناکام ہوچکا ہے، ابراہیم عزیزی

ایران کی مجلسِ شوریٰ (پارلیمنٹ) کی قومی سلامتی و خارجہ پالیسی کمیشن کے سربراہ ابراہیم عزیزی نے کہا ہے کہ تل ابیب کا نیا سیکیورٹی نظریہ (Security Doctrine) شروع ہونے سے پہلے ہی مکمل طور پر ناکام ہو چکا ہے۔

ابراہیم عزیزی نے اپنے ایک بیان میں واضح کیا کہ اسرائیلی حکومت کا یہ نیا سیکیورٹی نظریہ نہ تو اسے درپیش شدید خطرات سے تحفظ فراہم کر سکتا ہے اور نہ ہی اس کے بقا کی مدت میں کوئی اضافہ کر سکتا ہے۔ انہوں نے اس عزم کا اظہار کیا کہ خطے میں ابھرتی ہوئی نئی صورتحال ثابت کر رہی ہے کہ اسرائیل کو ملنے والی عارضی مہلت ختم ہو چکی ہے۔

ایرانی رہنما نے مزید دعویٰ کیا کہ صیہونی حکومت کا حتمی انجام بہادر ایرانی قوم اور خطے کے مجموعی ‘مزاحمتی محاذ’ (Axis of Resistance) کے ہاتھوں ایک تاریخی اور مکمل شکست کی صورت میں سامنے آئے گا۔