میر رضا علی کیس: سندھ حکومت نے جوڈیشل کمیشن کی رپورٹ جاری کر دی، جے آئی ٹی تشکیل دینے کی سفارش

سندھ حکومت نے تاجر میر رضا علی کیس سے متعلق جوڈیشل کمیشن کی تحقیقاتی رپورٹ باضابطہ طور پر جاری کر دی ہے۔ رپورٹ میں کیس کی مزید تفتیش کے لیے ڈی آئی جی عرفان بلوچ کی سربراہی میں ایک مشترکہ تحقیقاتی ٹیم (جے آئی ٹی) تشکیل دینے کی تجویز دی گئی ہے، جس میں آئی ایس آئی، آئی بی، رینجرز اور این سی سی آئی اے کے نمائندوں کو شامل کرنے کی سفارش کی گئی ہے۔ علاوہ ازیں، کمیشن نے ابتدائی دس روزہ تفتیش میں شریک پولیس افسران کے کردار کی اعلیٰ سطح پر تحقیقات، تعزیری کارروائی اور شواہد چھپانے کے ممکنہ خدشات کی جانچ کے لیے ایف آئی اے کی سربراہی میں علیحدہ کمیٹی بنانے کی بھی سفارش کی ہے تاکہ کیس میں مکمل شفافیت اور غیر جانب داری یقینی بنائی جا سکے۔