یوکرینی صدر مذاکرات کیلئے کسی دوسرے شخص کو ذمہ داری سونپیں: ڈونلڈ ٹرمپ

امریکی صدر ڈونلڈ ٹرمپ نے اہم بیان دیتے ہوئے کہا ہے کہ روس کے ساتھ جاری جنگ کے خاتمے اور امن مذاکرات کو آگے بڑھانے کے لیے یوکرین کے صدر وولودیپیر زیلنسکی کو اپنی جگہ کسی دوسرے نمائندے یا شخص کو مذاکراتی عمل کی ذمہ داری سونپ دینی چاہیے۔

واشنگٹن میں صحافیوں سے گفتگو کرتے ہوئے صدر ٹرمپ کا کہنا تھا کہ “شاید اب وہ وقت آ گیا ہے کہ زیلنسکی مذاکرات کی میز پر کسی اور کو آگے لائیں”۔ واضح رہے کہ امریکی صدر اس سے قبل بھی یوکرینی قیادت میں تبدیلی سے متعلق اپنے خیالات کا اظہار کر چکے ہیں۔ انہوں نے مزید کہا کہ روس کی جانب سے فی الحال یوکرین کے معاملے پر سفارتی محاذ پر زیادہ تحرک دکھائی نہیں دے رہا، تاہم انہوں نے تصدیق کی کہ امریکی انتظامیہ یوکرینی فورسز کے ساتھ انٹیلی جنس معلومات کا تبادلہ حسبِ معمول جاری رکھے ہوئے ہے۔

صدر ٹرمپ نے یہ اشارہ بھی دیا کہ وہ جنگ کے مکمل خاتمے تک امریکا میں مقیم یوکرینی پناہ گزینوں اور شہریوں کو عارضی قانونی تحفظ (Temporary Protected Status) فراہم کرنے کے امکان پر سنجیدگی سے غور کر سکتے ہیں تاکہ انہیں انسانی بنیادوں پر ریلیف مل سکے۔