دہشت گردی کے خلاف جنگ کو متنازع نہ بنایا جائے: بلاول بھٹو

چیئرمین پاکستان پیپلز پارٹی بلاول بھٹو زرداری نے کہا ہے کہ دہشت گردی کے خلاف جنگ کو سیاسی تنازع کا شکار نہ بنایا جائے اور اس قومی چیلنج پر تمام سیاسی قوتیں واضح موقف اختیار کریں۔ کراچی میں سانحۂ کارساز کی 19 ویں برسی کی تقریب سے خطاب کرتے ہوئے انہوں نے کہا کہ بلوچستان اور خیبر پختونخوا میں دہشت گردی کا خاتمہ ان کی جماعت کی پہلی ترجیح ہے۔ بلاول بھٹو نے انکشاف کیا کہ صوبے کا ایک وزیراعلیٰ دہشت گردوں کے خلاف کارروائی کے لیے تیار نہیں تھا جس کی وجہ سے مجبوری میں ایمرجنسی نافذ کرنا پڑی۔ انہوں نے جمعیت علمائے اسلام (ف) کے سربراہ مولانا فضل الرحمٰن سے اپیل کی کہ ان کے اپنے لوگ بھی دہشت گردی کا شکار ہوئے ہیں، لہٰذا وہ دہشت گردوں کی مخالفت کریں اور خیبر پختونخوا میں ایمرجنسی کے خاتمے کے لیے اپنا مثبت سیاسی کردار ادا کریں