برین ڈرین کا بحران: گزشتہ 3 سالوں میں 18 لاکھ 71 ہزار سے زائد اعلیٰ تعلیم یافتہ پاکستانی بیرونِ ملک منتقل

پاکستان میں برین ڈرین (Brain Drain) کی صورتِ حال پر ایک تشویشناک سرکاری رپورٹ اور دستاویزات سامنے آئی ہیں، جن کے مطابق گزشتہ تین سالوں کے دوران 18 لاکھ 71 ہزار سے زائد اعلیٰ تعلیم یافتہ اور ماہر افراد روزگار کے سلسلے میں پاکستان چھوڑ کر بیرونِ ملک منتقل ہو چکے ہیں۔

سرکاری دستاویزات کے مطابق بیرونِ ملک جانے والوں میں ڈاکٹرز، انجینئرز، آئی ٹی پروفیشنلز، اساتذہ، نرسیں اور مالیاتی ماہرین شامل ہیں۔ ڈیٹا سے معلوم ہوتا ہے کہ سال 2024ء میں 45,830 اعلیٰ تعلیم یافتہ افراد نے ملک چھوڑا، 2025ء میں یہ تعداد 28,726 رہی، جبکہ سال 2026ء میں اب تک 15,850 اعلیٰ تعلیم یافتہ پاکستانی بیرونِ ملک جا چکے ہیں۔

شعبہ جات کی تفصیلات کے مطابق گزشتہ تین سالوں میں مجموعی طور پر ہزاروں مینیجرز، انجینئرز، اکاؤنٹنٹس، نرسیں اور اساتذہ بیرونِ ملک مقیم ہو گئے۔ اس کے علاوہ 9,500 سے زائد ڈاکٹرز، 3,100 سے زائد کمپیوٹر پروگرامرز اور 1,500 سے زائد فنانشل اینالسٹس نے بیرونی ممالک میں ملازمتیں حاصل کیں۔ ماہرینِ معیشت نے خبردار کیا ہے کہ اساتذہ، آئی ٹی ماہرین اور صحت کے شعبے سے وابستہ افراد کی اتنی بڑی تعداد میں منتقلی سے ملک کے بنیادی ڈھانچے پر شدید منفی اثرات مرتب ہو رہے