برطانیہ: منشیات اور منی لانڈرنگ کیخلاف کارروائی، خاتون سمیت 12 افراد کو 100 سال سے زائد قید کی سزا

برطانیہ کے علاقے ویسٹ یارکشائر میں پولیس نے منشیات فروشی اور منی لانڈرنگ کے ایک بڑے منظم نیٹ ورک کے خلاف مؤثر ترین قانونی کارروائی کرتے ہوئے ایک خاتون سمیت 12 مجرموں کو مجموعی طور پر 100 سال سے زائد قید کی سزا سنا دی ہے۔

ویسٹ یارکشائر پولیس کے مطابق یہ گینگ بریڈفورڈ (Bradford) سے کام کر رہا تھا اور یارکشائر، ہمبرگ اور اس کے گردونواح کے دیگر علاقوں میں خطرناک “کلاس اے” (Class A) منشیات کی بڑی پیمانے پر فراہمی اور اسمگلنگ میں ملوث تھا۔ تحقیقات اور کرائم برانچ کی تفتیش میں انکشاف ہوا کہ یہ نیٹ ورک 135 کلوگرام سے زائد اعلیٰ کوالٹی کی منشیات کی سپلائی اور اس کے نتیجے میں حاصل ہونے والے کروڑوں پاؤنڈز کی غیر قانونی منی لانڈرنگ میں ملوث رہا ہے۔

تمام 12 ملزمان کو بریڈفورڈ کراؤن کورٹ (Bradford Crown Court) میں پیش کیا گیا جہاں تمام شواہد اور ثبوت درست ثابت ہونے پر عدالت نے گینگ کے 11 مردوں اور ایک خاتون کو ان کے انفرادی جرائم کے تناسب سے مختلف مدت کی طویل قید کی سزائیں سنائیں۔