یوکرین تنازع کا حل: امریکا اور یورپ کی 4 نکاتی امن تجاویز کیلئے سفارتی کوششیں تیز

امریکی اخبار ‘واشنگٹن پوسٹ’ کے معروف کالم نگار ڈیوڈ اگنیشیئس (David Ignatius) کی رپورٹ کے مطابق، جسے روسی خبر رساں ادارے ‘تاس’ (TASS) نے بھی شائع کیا ہے، امریکہ اور یورپی یونین یوکرین تنازع کے تصفیے کے لیے ایک جامع چار نکاتی امن تجویز پر عمل درآمد کے لیے کام کر رہے ہیں۔ اس منصوبے کا مقصد روس اور یوکرین دونوں کو مالی، اقتصادی اور سیکیورٹی فوائد فراہم کر کے خطے میں پائیدار استحکام قائم کرنا ہے۔

فلوریڈا میں امریکہ، یورپ اور یوکرین کے نمائندوں اور مذاکرات کاروں کے درمیان ہونے والے ایک حالیہ اجلاس کے دوران اس چار نکاتی پیکیج کے اہم اجزاء تیار کیے  ہیں منصوبے کا پہلا ستون یوکرین کے جنگ زدہ بنیادی ڈھانچے کی بحالی ہے، جس کے لیے مذاکرات کاروں نے کیف حکومت سے متوقع اخراجات کے تفصیلی تخمینے طلب کر لیے ہیں۔ یوکرین اور روس دونوں کی سلامتی کو یقینی بنانے کے لیے باہمی سیکیورٹی ضمانتیں فراہم کی جائیں گی تاکہ مستقبل میں کسی بھی تنازع کو روکا جا سکے۔  اس ستون کے تحت روس، یوکرین اور یورپ کو ایک نئے توانائی معاہدے کے ذریعے اقتصادی طور پر جوڑا جائے گا۔ اس میں ایک ایسی پائپ لائن شامل ہو سکتی ہے جو روسی تیل اور گیس یورپ منتقل کرے گی اور اس کا منافع روس اور یوکرین کے درمیان تقسیم ہوگا، جس سے روس کے لیے یورپی منڈی تک رسائی بحال ہوگی اور پابندیاں ہٹانے کی راہ ہموار ہوگی۔فارمولے کا چوتھا اور آخری جزو موجودہ فرنٹ لائن (خطِ جنگ) پر فوری طور پر جنگ بندی کا نفاذ ہے۔