سوشل میڈیا اسٹار فیصل شیخ کی مدینہ منورہ میں شادی، تصاویر وائرل

بھارتی سوشل میڈیا اسٹار اور ڈیجیٹل کانٹینٹ کری ایٹر فیصل شیخ، جو ’مسٹر فیصو‘ کے نام سے دنیا بھر میں معروف ہیں، مدینہ منورہ میں ایک نجی تقریب کے دوران رشتہ ازدواج میں منسلک ہو گئے ہیں۔ انہوں نے سوشل میڈیا پلیٹ فارم انسٹاگرام پر اپنے نکاح کی تصاویر شیئر کرتے ہوئے مداحوں کو یہ خوشخبری سنائی۔ مسٹر فیصو نے اپنی پوسٹ میں قرآن پاک کی سورۃ النبأ کی آیت کا حوالہ دیا اور کہا کہ مدینہ منورہ جیسے مقدس اور بابرکت شہر میں پورے خاندان کی موجودگی میں نکاح ہونا ان کے لیے کسی خواب کے سچ ہونے جیسا ہے۔ انہوں نے اپنے تمام مداحوں سے نئی زندگی کی شروعات پر دعاؤں کی درخواست کی ہے۔