حکومت اور اپوزیشن مذاکرات کی بحالی کے لئے اہم پیش رفت

حکومت اور اپوزیشن کے درمیان سیاسی تناؤ کم کرنے اور احتجاجی صورتحال کے خاتمے کے لیے مذاکرات کی بحالی کی جانب اہم پیش رفت سامنے آئی ہے۔ ذرائع کے مطابق جمعیت علمائے اسلام (ف) کے سربراہ مولانا فضل الرحمان حکومت اور اپوزیشن کے درمیان بات چیت کی راہ ہموار کرنے کے لیے متحرک ہو گئے ہیں، جبکہ حکومت نے ان سے اپوزیشن کا لانگ مارچ ختم کرانے کے لیے ثالثی کی درخواست کی ہے۔ اس سیاسی بحران کے حل کے لیے ایمرجنسی کے نفاذ کے بجائے سیاسی مذاکرات کو ترجیح دینے پر زور دیا گیا ہے، جس پر مولانا فضل الرحمان نے حکومت سے فی الحال ایمرجنسی نافذ نہ کرنے کی یقین دہانی مانگتے ہوئے سیاسی معاملات افہام و تفہیم سے طے کرنے اور اپوزیشن کو دوبارہ مذاکرات کی دعوت دینے کی تجویز دی ہے۔