وزیراعظم اور مولانا ملاقات، خیبرپختونخوا کی صورتحال پر اختلافات سامنے آگئے

وزیراعظم محمد شہباز شریف اور جمعیت علمائے اسلام (ف) کے سربراہ مولانا فضل الرحمان کے درمیان ہونے والی ملاقات میں خیبر پختونخوا کی امن و امان کی صورتحال اور وفاقی حکومت کے مجوزہ اقدامات پر اہم گفتگو ہوئی ہے۔ ذرائع کے مطابق مولانا فضل الرحمان نے خیبر پختونخوا کے حوالے سے وفاق کے ممکنہ و سخت اقدامات سے اختلاف کرتے ہوئے موقف اختیار کیا ہے کہ ان اقدامات سے دہشت گردی کے خاتمے کی کوئی یقینی ضمانت نہیں دی جا سکتی۔ جے یو آئی (ف) کے سربراہ نے زور دیا کہ درپیش سیکیورٹی و سیاسی چیلنجز کا حل یکطرفہ اقدامات کے بجائے سیاسی مشاورت، باہمی اتفاقِ رائے اور تمام متعلقہ فریقوں کو اعتماد میں لینے کے ذریعے ہی ممکن بنایا جا سکتا ہے۔